هو صعب اي حد يكلم عن نفسه , بس اقول بعض الحاجات وامري لله
اسمي محمد
27 سنة
لسيانس اداب قسم تاريخ
من صغري بحب القراية ,يمكن الاول كنت بحب اسمع الحواديت ولما كبرت شوية وعرفت اقرا , صارت القصة هي اكبر متعة ليا , مرة اخويا جبلي كتب من سلسلة اغرب من الخيال لراجي عنايت ووقتها كنت في اعدادي وكانت دي من اجمل الهدايا اللي جتلي..
ليا قراءات متنوعة ..في علوم الدين ..السياسة ..الادب .. وعشق خاص لعالم ما وراء الطبيعة , يمكن قرايتي قلت اليومين دول عشان انشغالي في المدونة والمنتدي اللي انا مشرف فيه , ومشكلتي دلوقتي اني بقالي فترة مش بكتب حاجة جديدة ومعظم اللي بنزله من الاحتياطي الاستراتيجي ليا , ربنا يسهل وارجع اكتب زي الاول
بداية تواجدي علي النت كان في عالم المنتديات ويمكن ما اهتمتش بعالم المدونات الا من كام شهر واكتشفت انه عالم كبير اوي ..
ساعات بحن لافلام الكرتون وبتفرج عليها خلسة " حلوة خلسة دي " واحب كرتون كان ليا اليس في بلاد العجائب وكعبول هههههههه
بحب اوي البحر وعلي راي مسرحية المشاغبين كنت عاوز اطلع سمكة هههه وكان في زمان مسلسل اجنبي اسمه مارك عن واحد بيتنفس تحت الميه وكنت نفس ابقي زيه ممممممممم
بحب المطر جدا ولما بقرا مشهد عن المطر في اي قصة او رومانسية بحس برومانسية عجيبة ,بحس دايما بارتباط ما بين الحب والمطر تفتكروا ليه مممممم
وعلي عكس بعض الناس لما المطر بيصاحبه رعد وبرق بحس بشعور غريب .. سعادة , غموض, خشية ورجاء من ربنا , بحس ان السماء مفتوحة وبحس باني قريب جدا من ربنا
بحب المسلسلات الكوري لاني بحس فيها بشئ مختلف يعني بشوف فيها روح الشرق وتقدم الغرب في نفس الوقت , وعجبني مسلسل اغاني الشتاء واثر فيا اوي وهو سبب بداية حبي للمسلسلات الكوري
اخيرا بالنسبة للحزن , رغم ان الحزن بقي مكون رئيسي لشخصيتي بس هو ليه اسباب مقدرش اقول عنها هنا , وعلي اي حال كل واحد منا ليه اسباب خاصة لحزنه...
ثانيا تاج من الست مجداوية
إسمك
حيوان أليف تملكه
اوصف شكلك
ماذا تقود
الحالة الاجتماعية
البرنامج التليفزيونى المفضل
الحالة المزاجية
المطرب / الفرقة المفضل
الفيلم المفضل
محل الاقامة
محل العمل
حتعمل ايه النهارده
وعملت ايه امبارح
الحلوى المفضلة
ايه التاجات المتعبة دي مسيلي ادبس الناس اللي دبستني ,ممممم
واخيرا التاجين دول لمن يجرؤ فقط ويحب ياخدهم عنده بالهنا والشفا
Hi5 Falling Stars
هناك 33 تعليقًا:
السلام عليكم ورحمة الله وبركاته
محمد
الفارس الملثم
انت قدها قدود
انا كنت عارفه ومتأكدة انك حترد بالمضبوط على كل حاجة
سلامى ياصحبى واذا كان على التاجين انا ما بدى اياهم يكفى صداقة انسان مثلك احسن من الف ومليون تاج
وشكرررررا
يامحمد
norahaty
السلاااااااااااااااااااااام عليكم
ازيك يافارس
ايه المدونة الجميلة دى بس
بجد ماشاء الله عليك
انا عارفة انى متأخرة جداااااااااااااا بس معلش بقى
مبروك علينا مدونتك دى
وطببببعا انا قريتها كلها وماسيبتش سطر
بالنسبة للتاج الاول
انا شايفة ان اللى متابعك ومتابع كتاباتك يقدر يخمن اغلب اللى انت قولته مش عارفة ازاى بس المهم انه يقدر وخلاص
:)
زى الربط مابين الحب والمطر وحب المطر والرعد والبرق والاحساس بالخوف والرجاء والسعادة
وزى الربط بين حياتنا والحزن باختلاف الاسباب زى ماقلت
التاج التانى بقى
فأنا مش عارفة هيا طريقة الرد مطلوبة كده ولا انت اللى عملت كده
ومش عارفة اعتقد ان انت اللى جاوبت كده
وماتألنيش ليه وازاى؟
اصلها بجد اجابة مميزة وجديدة وجميلة اننا نجاوب بالصور كده واختيارات ماشاء الله موفقة
كعدتك مبدع ومميز يافارس
وطبعا بما ان التاجين دول لمن يجرؤ فانا مش هجاوبهم
:)
بس ليا طلب عندك
انك ترجع لقراياتك تانى عشان نستمتع دايما بموهبتك الجميلة دى
ومعذرة طبببعا على الاطالة وبردوا ماتسألنيش انتى بتطولى ليه فى التعليقات ؟
:)
لانى هقولك مش عارفة ولان كلامك رغم انه قليل ومش كتير بس له معانى كتتتتتتتتتتتتتتتتتر فعلا
او انا اللى بقراه بمعانى كتير والله بقى مش عارفة
المهم انك تستحمل وتقرا التعليقات وامرك لله..هههههههههههه
تحياتى ليك يافارس
واسفة على تأخيرى هنا
وتقبلنى زائرة مستديمة
:)
السلام عليكم مره تانيه يا
محمد**
حلو الرد بالصور على التاج التانى حتى علشان اللى ما بعرفوا يقرأوا عربى...
*مين فينا ماكانش نفسه يبقى سمكه او طائر..ولو ان العالمين شديدى القسوة فى حقيقة الامر(المثل بيقولك عاملين زى السمك الكبير بياكل الصغير)ولكن ما نراه هو مانتمناه الحريه والانطلاق فى فضاء واسع لا تحدوه حدود :البحر او السماء.
يارب ياسيدى ربنا يسهل لك وترجع تكتب تانى حيكون مكسب لنا جميعآ
وتسلم من كل شر.
norahaty
NB
طولت انا معلش!!مش تبقى تنبهنى ان المدونة بتاعتك مش بتاعتى
**ومين فينا برضه ما بيحب المطر(الا اللى واقف فى نص الطريق لا يجد ما يستظل به ولا من ياخذ بيده الى غايته)
**المسلسلات الكورى الحقيقه لم يسعدنى الحظ بالفرجه على اى منها مش لسبب الا لانها ما بتتعرض على المدونات.....!!!فاهمنى؟؟
الفارس الملثم
محمد المبدع
التاج الأول
اتشرفنا بمعرفة المعلومات دى عن كاتبنا المبدع ومتهيألى انك هندى أو تمتد اصولك الى غاندى الهندى قولى ليه ؟؟؟عشان بتحب المطر أوى كده جميع الأفلام الهندية المطر فيها شىء أساسى وكمان عشان اصلك الأسيوى ده بتحب المسللات الكورى ,,كورى !!! تقليد يعنى ماله اليابانى واوشين ,,بس قولى هى بتتعرض فين عشان أشوفها ممكن ؟؟
الحزن صفة ملازمة للانسان المبدع ذو الاحساس العالى وباعتبره نعمة عشان بيصحى القلب والضمير
حقيقى اتشرفنا
التاج التانى: مش عارفة برضه مين اللى دبسك منهم لله بقى نقول ايه ناس مفترية بعيد عنك ,,
المهم
طبعا اختيار مبدع للصور وترجمة فورية بليغة بس معلش البطيطة دى حيوان ازاى يعنى !!!! هههههههه
جايز برضه !!! وأنت ورقة فى مهب الريح وكان نفسك تبقى سمكة أمممممممممممم عندك ميول للانطلاق ولا مركزية ..الحالة الاجتماعية معناها عازب اختيار جيد جدا انك مجبتش واحد قاعد لوحده (بس الصور دى من فين ؟؟؟مش من نفس الموقع اللى عند اخونا ما علينا صح ؟؟)
طيب نبطل رغى ونقول الخلاصة
انت انســـــــــــــــان
مبروك عليك الانسانية ودى درجة مش أى حد ياخدها لازم يكون انسان ومبدع وحساس وحزين,,الكشف خمسين جنيه والاستشارة بعد اسبوع ومتكلش لا سمك ولا بيض ,,
ربنا يسعدك فى الدارين ويفرح قلبك ويقر عينك بانسانة صالحة تشاركك هذه الانسانية الرائعة فيك
تحياتى وتقديرى أخى الكريم
جميلة اوي اجاباتك
وعجتبني جدا اجابات التاج التاني
كلامك لذيذ بجد
بس معجبنيش موضوع المسلسلات الكورية مبحبهاش
و بصراحة ساعات كتيرة مش بفرق بين الواد و البت
فقلت و ليه اللخبطة
هى ناقصة
:)
اكتر حاجة عجبتنى الصور معبرة قوى و بجد رائعة
تحياتى
السلام عليكم
تصدق ان برضه كتير باستخدم المخزون الاستراتيجى بتاعى
مع فارق المستوى طبعا
ماشاء الله عليك
حاسه ان فعلا المدونه دى بتاعه الولد الصغير اللى فى الصوره يمكن جسمه وعقله كبروا
لكن روحه لسه روح طفل برئ وطبعا حزين
وكان الحزن عندك معدش مؤلم بقى زى ما انت قلت بنفسك جزء من شخصيتك
عموما ربنا يهديك للخير
اما التاج التانى
الصور فعلا بتتكلم
سبحان الله
تحياتى
سيدى يا سيدى على الاجابات الموفقه
norahaty..
حضرتك طبعا ليكي حق فيها زيي زيك ,لان مشاركاتك بتديكي اسهم غي ملكية المدونة" بس اوعي طلبيني بارباح"
علي فكرة التاج بتاع الصور هو فكرته كده , او انا لقيت السيدة مجداواية اللي اديتهوني كده عملاه كده ..
منوراني دايما يا دكتورة
آخر العنقود...
اسمحيلي ابتدي من اخر ردك وحكاية بطولي في تعليقك , ربما لو كان تعليقك بدون قيمة كان مبرر لعدم الاطالة , لكن حقيقي ردك يجعلني في قمة سعادتي وهو يجعلني اتمنني ان اكون عند حسن ظنك بي , ولا اخفي سرا انك من اكثر الردود التي انتظر وجودها علي اي بوست ..
وبالنسبة للتاج التاني فهو طبيعته الاجابة بالصور ..
اخيرا اتمني بجد انك تجاوبي علي التاجين دول وانا علي ثقة ان ردودك ستكون اكثر من رائعة
تحياتي دائما
مجداوية..
ههههههههههههه
طبعا ما غاندي وجدي الكبير كانوا بيدرسوا مع بعض في مدرسة الثانوية نيودلهي بعد شبرا علي طول ..
بالنسبة للمسلسلات الكوري بتيجيعلي قناة دبي بس دلوقتي بيعيدوا مسلسل كوري جه قبل كده اسمه قصة حب حزينة اتفرجي عليه ,بس هو من نوعية المسلسلات اللي بتنكد علي المشاهد وانا بحب النوعيات دي ههههههه
ايوه البطيطة دي حيوان اليف في اعتراض مممممممممم
مين اخونا ما علينا ده , لا الصور دي بعضها كان عندي وبعضها من عمك جوجل خليته يدور معايا ..
وكشف بخمسين جنيه ليه ؟؟؟ علي اساس اني اكشف واتعزميني علي بيتزا ممممممم
سلام يا فندم
سنووايت ..
تسلمي يا سنووايت ومنوراني كده دايما
تحياتي
Rania..
هههههههههه
لا جربي انتي بس تتابعيها وهي اتعجبك
منوراني دايما يا رانيا, ومتشكر جدا علي رايك..
تحياتي
منى..
الله يخليكي يا مني ومتشكر اوي علي ذوقك ..
ويبدو زي ما انتي بتقولي الحزن بقي جزء من الشخصية وبقي هو رفيق دربي اللي اتعودت اني اتعايش معاه ..
نورتيني بجد
تحياتي دائما
صحفية روشة ..
تسلمي يا مها يا صاحبة الردود السريعة جدا ههههههههه
تحياتي ومنورة المدونة
ليه بتتفرج على افلام الكارتون خلسة
لا خاااااااالص
انا بجبلهم ام بى سى ثرى
فى البيت
وبقعدهم يتفرجواعليها معايا
ما اجملها من لحظات
طبوالله متعة
اينعم بتلكك انى بدرس رسوم متحركة
وانىلازم اتعلم
وعشان اتعلم لازم اتفرج
بس مش مهم خااااالص
المهم
انىبتفرج
افلام الكارتون دلوقتى مبقتشى للاطفال
هتشوف فيلمى المفضل
لماارد على التاج التانى اللى انت جاوبت عليه
لانه برضومعايا من حبيبتى مجداوية
اماعن المطر
فمن منا لا يعشقه
من لا يستشعر
باشياء من عند الله
لم يستشعر بنفسه لانه من عند الله
(جامدةالجملةدى... انا بطلع كلام لما بعلق عندحضرتك وكانك تجعلنى ارد وانا فى عالمى)
انا بسمش عارفة ليه حضرتك عامل مدونتين
انامتابعة التانية
وبنسى دى
مممممممممممممممممممم
خيراااااااا
الأخ الكريم
محمد الفارس المبدع
اذهب لمدونة قولا سديدا ,,الأخ ويسبر للأهمية
حووووول
shaimaa samir..
ههههههههههه
اصلا مش بحب الكراتين الحديثة اللي بيتفرجوا عليها دلوقتي , انا يمكن لما بتفرج علي الكارتون بيبقي نوع من الحنين للطفولة واستعادة لحظات كانت من اجمل اللحظات في حياتي ..
انا مستني طبعا اجابتك علي التاج , وبالنسبة لسبب المدونة دي هي اشبه مدونة فضفضة وانا الاول كانت قافل التعليقات هنا وبعد كده فتحتها علي اساس لو حد حب يشاركني الفضفضة ...
فضفضتك قصدي ردك جميل ومتميز ومتقطعيش الزيارة هنا كمان ..
مع تحياتي
محمد
مجداوية..
شكرا يا سيدة مجداوية علي التنبيه وتمت الزيارة بالفعل
تحياتي
الكراتين الحديثة
!!!!!!!!!!!!!!!
طويب
على فكرة
الكراتينالحديثة
جمييييييييييييييييييييلة
مش كلهااه زى اى حاجةفى الدنيا
لكن فعلا
فى حاجت منهاكتييرحلو
بالتوفيق
ههههه
التاج ده عامل زي الصاروخ العابر للمدونات
كل ما ادخل مدونة الاقيه
ده بالنسبة للتاج الاول
التاج الثاني
انا احييك علي براعة الفكرة
الاجابة بالصور
دمت مبدع
<"بحب المسلسلات الكوري لاني بحس فيها بشئ مختلف يعني بشوف فيها روح الشرق وتقدم الغرب في نفس الوقت , وعجبني مسلسل اغاني الشتاء واثر فيا اوي وهو سبب بداية حبي للمسلسلات الكوري"a>
المسلسل الكوري ده انا شوفته
و شفت اللي قبله كمان
autumn in my heart
من اجمل المسلسلات اللي شفتها بجد
و فلا بقيت بحب الأفلام و المسلسلات الكوري بسببهم
nice aNswers :)
shaimaa samir..
طبعا ما هو واضح من اجابتك علي التاج ,انك قاعدة طول النهار ادام قناة الكارتون وبتتلكي بدراستك للرسوم النتحركة مممممممممممممم
كاميليا..
هههههههههههه
ما هو تاج وداير علي مدونات الناس ..
وبالنسبة لفكرة الاجابة بالصور فهي مش فكرتي وممكن تقولي مجبر اخاك لا بطل ,يعني طبيعة الاجابة انها تكون بالصور , والتاج ده مهدي اليك ,ايه رايك تجربي تجاوبي عليه ..
نورتي يا كاميليا المدونة
Bongo...
كويس انك زيي بتحبي المسلسلات الكوري , نورتي المدونة يا بونجو
تحياتي
يا ترى قصدك ايه بالتاج بتاع الفليم
كمان انت بتوصف نفسك بتعيط ليه
ليه الحزن ده كله
السلام عليكم تاجين زع العسل وعرفونا بيك اكتر على فكرة انا كمان ليسانس اداب تاريخ يعنى بصرة
تحياتى لك
انا كان نفسى اطلع سمكه قرش اكل الناس الوحشه هههههههههه
بجد تحفه والصور عجبتنى جداااااااا وهجاول على التاج ده قريب ان شاء الله
بس انت بسيط جدا يا محمد واحنا متفقين فى حب البحر لانى دايما بهرب من كل مشاكلى ليه
اجابه التاجين أحلى من بعض
مسلسل الرجل اللي بيتنفس تحت الماء لسه فاكراه كان فعلا جميل
تقريبا اسمه رجل المحيط
والصور في التاج التاني جميله
ربنا يوفقك
اوعى تفكر..
منور يا باشا ,هو الفيلم هو انت عمري , وكان في اغنية عجباني فيه اسمها قلبي مركب ورق ...
تحياتي
رئـــــيسـة حزب الأحلام..
نورتي يا فندم , امال ايه حكاية وثائق ومكتبات الموجودة في تعريفك ؟؟؟
تحياتي
appy..
منورة يا ابي , بس ايه الرعب ده سمكة قرش بحالها , طبعا مستنينك تجاوبي عشان نعرفك اكتر , ومتشكر اوي علي ردك الجميل وتشريفك مدونتي
تحياتي
salwa..
حضرتك نورتي المدونة ,ومتشكر جدا علي رايك وتشريف مدونتي المتواضعة بالزيارة
تحياتي
محمد
إرسال تعليق