غاوي نكد

انت يا بني معجون بالحزن التعليق ده كان في رد علي احد الخواطر ليا في احد المنتديات , وباين صاحب الرد هده كان عاوز يقولي انتي غاوي نكد بس هو كان ذوق ومقلهاش ...

تفتكر في ناس فعلا غاوية نكد , لدرجة انها لو حست انها سعيدة في لحظة تخاف اوي وتبقي منتظرة ان في شئ يحصل وينكد عليها ..

ولو صادفت واليوم فات دون حدوث هذا الشئ تبتدي هي تعمل بمقولة ساعد نفسك وتبتدي تنبش في الذاكرة بتاعتها عن الحاجات اللي ممكن تخليها في اسوأ حالاتها المزاجية سواء كانت لحظات غباء او ندم او احباط ويأس وساعتها بس تحس انها رجعت لحالاتها الطبيعية لما تدخل في دورة جديدة من دورات الاكتئاب المتعودة عليها ..

مش اقولكم ان كنت انا من النوعية دي ولا لأ, بلاش الفضول الزايد ده ..