المدينه تحترق -فاروق جويده

: المدينه تحترق -فاروق جويده

الدار يا أماه طفل يحترق

هذي ذئاب النار بالأحزان تسرع

خلف حلم يختنق

شرفات منزلنا الصغير

على نحيبك لم تزل

تنشق حزنا.. وألم

والدار يعصرها اللهيب

وصارت الأنفاس فيها كالعدم...

* * *

النار تسري في مدينتنا وليس لنا مجير

أكلت حدائقنا مزارعنا

وعصفوري الصغير

أكلت جوانحنا مدامعنا..

وأحرقت الغدير

النار يا أماه أحرقت الغدير!!

* * *

النار يا أمي تحوم على مشارف بيتنا

وأنا أموت على مكاني كل شيء..

صار نارا حولنا

أترى سنتركها

لتأكل بسمة الأيام والأمل الوليد؟!

النار تنهش في الدماء وفي النساء وفي الحديد

النار تسكر في الزحام

على بقايا.. من شهيد

* * *

النار يا أمي على الباب الكبير

والناس تصرخ والكبير يدوس على أشلاء الصغير

والمسجد الخالي يذوب مع المآذن يحترق

وعليه صورة طفلة

ركعت على أنفاسها

من ذا يصدق أنها..

ذهبت هناك لتختنق؟

صلواتها تبكي يتوه نحيبها بين الحريق

والمنبر المسكين في وسط الحريق

كأنه طفل.. غريق

* * *

الناس تلقي نفسها بين اللهب

وصراخ أطفال وحزن أرامل

والكل يسأل.. ما السبب؟؟

النار منا تقترب

النار يا أمي تدمر دارنا..

هذي دماء الدار تسقط

من ثنايا.. ثغرها

أكلت عيون الدار

ألقت في اللهيب بسحرها

ذبحت شجيرتنا التي

عشت الحياة بعطرها

* * *

الدار يا أماه طفل يحترق..

صدري من الدخان

يصرخ.. كاد صدري يختنق

أماه..

النار مني تقترب

أماه إني أختنق

أماه...

أماه...

تحديث هام .. قلب ميت

تحديث هام : اكيد كلكم تابعتم المجزره اللي حصلت في غزه , مش عارف الواحد يقول ايه , المره ده البشاعه تجاوزت كل الحدود, البوست ده كان بيتكلم عن قلب ميت واحنا لو بصينا علي المجزره المستمرة الحدوث في غزه انلاقي مفيش اكتر من القلوب الميته , قلوب اسرائيليه ميته مش بيهتزليها جفن وهي بتصوب قذائفها علي اطفال ونساء ملهمش اي ذنب ... قلوب حكام عرب ماتت من كتر الجبن اللي ماليها بتشوف دماء عربيه بتنزف وبتصرخ تستنجد ولا كانها شافت او سمعت ...وفي قلوب تانيه من كتر الظلم اللي بيحصل ده اتتعلم انها مترحمش حد اتنتقم لابعد مدي , الظلم والذل والمهانه اتخليها قلوب ميته بجد

تحديث : هو البوست مش بيعبر عن تجربه شخصيه حصلت ليا حديثا لكن حالات كتير بنقابلها في الدنيا بتخلي كل واحد فينا يتمني ولو مره انه ميكنش عنده قلب عشان يقدر يتحمل تقلبات القلوب وتقلبات الايام , بس انا برده شايف انسان من غير قلب مش انسان بل اقرب لوحش اسطوري زي الموجودين في قصص الاساطير الاغريقيه

قلب بلا مشاعر بلا احاسيس لا يحب او يشتاق او يشعر باللهفه والحنين, لا يتالم ولا يتوجع بسبب احد او يبالي باحد , تلك امنيه للبعض ممن يعانون من افراط المشاعر بين جوانحهم ,فهم يتصورون ان معاناتهم ستنتهي لو سكن هذا النبض بين عروقهم للابد وصار ذلك الموجود بين ضلوعهم مجرد جثة قلب ميت..

فتبدو مشكلتهم ان بعض من يحبونهم يروا في فيض مشاعرهم ولهفتهم عليهم ضعف فيقابلوا حبهم هذا ببرود مشاعر ولامبالاه , بل ويتعمدوا جرحهم ويقابلوا كل تسامح منهم بمزيد من الجراح بل احيانا التلذذ بوجعهم هذا في ساديه عجيبه

اذا ما علينا ان نفعل هل نترك قلوبنا تنزف في الم ووجع ونموت عشرات المرات كلما التقت عيوننا المتلهفه المشتاقه بعيونهم الزجاجيه البارده ؟؟؟؟؟ ..

ام نعلم قلوبنا بعض القسوه , فنعامل الاخرين بمثل مشاعرهم وسلوكهم نحونا حتي لا نستمر في عطائنا لقلوب لا تستحقها تقابل عطائنا بسخاء بنفس السخاء لكن من الالم .. فتجئ اللحظة التي تفقد قلوبنا اي قدره ان تعطي حتي عندما تقابل ما يستحق مشاعرها لانه ببساطه قد نفذ رصيدها من المشاعر الانسانيه فتصير قلوبنا ارض جدباء ميته لاتنبت فيها الزهور

بالتاكيد يجب ان نظهر مشاعرنا لمن نحب لكن مع تحكم اكبر في قلوبنا حتي نتاكد ان ذلك الشخص يستحق كل تلك المشاعر الجميله فنزرع بذرة الحب في ارض خصبه سخية العطاء والحب بلا حدود

هذيان ليله ممطره

طالما تمنيت وانا طفل صغير ان امكث طويلا تحت المطر فتتبلل ملابسي بينما انا افتح فمي فتتسرب قطرات المطر الي اعماقي وتمتزج مع روحي .. طالما شعرت ان للمطر رائحة وان لقطراته نبض واحساس فهي مثلنا ترتعش من الفرحه او من الحزن بعد ان تلثمها نسمات الهواء الباردة القبله الاخيرة..








علي عكس البعض فهدير الرعد وومضات البرق الخاطفه تثير داخلي احساس غريب من السعاده حتي الانتشاء الممزوجه بالرهبه .. نعم فمع سقوط المطر اشعر ان ابواب السماء مشرعه وان رحمة الله ومغفرته تنزل مع قطرات المطر علي البشر وان صوت الرعد هو رسالة سماوية للبشر تخبرهم انه هو تعالي موجود وقادر وقاهر ذو بطش شديد لكن رحمته وعفوه اوسع



طالما احببت عندما يسقط المطر ان اجلس خلف الزجاج الموصد وانا احتضن قدح من مشرب دافئ فيدغدغني احساس الدفء واصاحب قارب النعاس في رحلته الحالمه بين الامواج المتلاطمه في بحر الامنيات المستحيله



طالما شعرت عندما يسقط المطر بفيضان من المشاعر والاحاسيس الرومانسيه, فاتصورني مع حبيبتي يجمعنا سويا معطف واحد تحت المطر فتنتفض اجسادنا البارده مع سريان تيار الدفء المنبعث من ارواحنا كتيار كهربائي يحمل لجسدينا رعشة الوجد والامتزاج والزوبان والانصهار كل منا في الاخر



وطالما تخيلت موتي بين حضن يديها بينما المح في عينيها الممطره وميض الحب واللهفه والوداع ووعد باللقاء في الجنه... بينما اجسادنا تنتفض تحت مياه الامطار

انت عمري

انت عمري .. دايما لما بتفرج علي الفيلم ده بحس بشجن غير عادي.. هو الفيلم بيحمل جواه معاني انسانيه جميله زي الحب والتضحيه وحتي الامل مشاعر نبيله اكيد موجوده جوانا كلنا والظروف بتكون المحك لظهورها ...

هو الفيلم بيدور حول بطل بيكتشف بالصدفه اصابته بمرض اللوكيميا " سرطان في الدم " فيقرر انه يبعد عن اسرته "زوجته وابنه ووالده" لانه تصور انه وجوده معاهم ايتسبب في تعاستهم...والمه هو كمان لانه شعوره انهم بيتالموا عشانه ايوجعه اكتر من المرض نفسه ..هو فضل انه يعمل زي الافيال لما تحس باقتراب ساعة موتها بتقرر انها تبعد عن القطيع عشان تموت لوحدها ..

هو كان في اقصي درجات اليأس ورفض أي محاوله انه يكمل علاجه لان الياس اللي جواه كان بيخنق أي نقطة نور ممكن تقدر تديله بعض الامل ..






وهنا ممكن يتفجر جوانا سؤال .. يا تري لو انت مكان البطل وحاسس انك اتتسب في تعاسه اناس عزيزين عندك لو فضلت موجود في حياتهم اتفضل تبعد ولا اتشوف انهم ايكونوا اكثر تعاسه من غير وجودك معاهم , او تقدر ان الايام اتداوي جراحهم من غيرك ؟؟؟؟

.. البطلة عندها نفس المرض .. لكن الامر اختلف بالنسبه ليها لان عندها هدف تريد تحقيقه انها تكون راقصة باليه مشهوره .. فنقطة النور جواها مقدرش الياس يخنقها , لكنها في نفس الوقت خافته ضعيفه صعب انها تكون دليلها بدون مساعدة حد في طريق مظلم يمتلئ بكثير من الألم ..

يمكن حالتهم الصحيه المتشابهه جمعت بينهم قربت بين قلوبهم .. اتشاركوا مع بعض احساس الالم والوجع لكن في نفس الوقت اتزرعت نبتة الحب جواهم , والحب ده كان اشبه بطاقة النور اللي ساعدتهم يلاقوا طريقهم والخروج من النفق المظلم اللي كانوا مسجونين جواه ...






بقي في سؤال مطروح يا تري هو خان مراته لما حب واحده غيرها وليه مكنش حب مراته وابنه هو الدوا اللي يساعده علي الشفا ؟؟.. يقال دايما الحب عمره ما كان اختيار , زي ما المرض قدر والالم قدر والموت , قدر الحب برده قدر ,وهو مكنش بيبحث عن الحب لكنه كان عنده يأس من كل حاجه وهي لما زرعت نبتة الحب جواه اتولد من جواها زهرة الامل ,, لكن الحبيبه عشان متبنيش سعادتها علي تعاسة مراته وابنه قررت تبعد ..

انا في البوست ده مش بحاول احكي احداث الفيلم اللي اكيد اغلبكم اتفرج عليه , لكن بحاولة قراءة بعض المعاني اللي فيه ..

الحب فعلا قادر يحقق المعجزات وممكن يداوي جروح كتير جوانا ويخفف كتير من اوجاعنا....... ياتري ممكن عشان نحقق السعاده لينا نجرح قلوب تانيه ملهاش ذنب ....... مفروض نضحي عشان اللي بنحبه حتي لو كانت التضحيه دي اننا نبعد عنه .....الامل نقطة نور جوانا بس دايما بنحتاج الايد اللي تلمس قلوبنا وتخلي نقطة النور دي طاقة من الامل تنور طريقنا

في الفيلم اغنيه جميله اوي بحس انها بتلمس جوايا اوي .. مركب ورق في البحر...






مركب ورق في البحر

والبحر قلبه كبير كبير

مركب ورق قلبى

بتعاند المجادير

موج ياخدها لفوق

وموج يطوحها

شطوط بتحضنها

وشطوط بتجرحها

والبحر بجلاله ... كتير مبيسعاهش

مركب ورق قلبى

أوان فرحها مجاش

هل تحبني ... تسألين ؟؟؟؟

هل تحبني.. تسألين
هل حقا يا حبيبتي لا تعرفين !!!

انظري لما بين الحنايا
تجدي قلبا قد مزقته تنهدات وانين

وتري عيون قد ارهقها السهاد
وشوق بين الضلوع يستعر من فرط الحنين

هل حقا مازلتي ياحبيبتي لم تفهمين ؟؟؟؟؟؟

ان في عيونك مرساي وابحاري
وعبر شرايينك يسافر نبضي

واني قد استوطنت خافقك
وصارت في اوردته حياتي وموتي

وان كنت يا حبيبتي جزء من قدرك
فانت لي كل قدري

الشمعه الاخيره

فكرة هذا البوست جاءت لي من موضوع قرئته في احد المنتديات ,يحكي ..

كان هناك اربع شمعات ينيروا ظلام الغرفه في ليله شتاء بارده بعد ان انقطعت الكهرباء وفجأه انفتحت نافذه تحمل الي المكان رياح عاتيه وبدت الشمعات الاربع في موقف عصيب حيث اخذ ضوئهما يخفت بالتدريج , وكانت اول شمعه هي شمعة الحب التي وقالت وهي تلفظ اخر انفاسها ان ليس عليها غير الاستسلام فقد انهارت مقاومتها ثم انطفأت ..ثم اخذ نور الشمعه الثانيه يخفو وقد كانت شمعة الرضا وقالت مثلما قالت الاولي انا اسفه انا اضعف من اتحمل كل تلك الرياح العاصفه وحدي ثم انطفأت ..ولم يكن موقف الشمعه الثالثه وهي السعاده بمغاير عن الشمعتين السابقتين ثم انطفأت هي ايضا ..مع انطفاء الشمعات الثلاثه كان هناك طفل صغيرفي المكان وقد اخذ يبكي مع احساسه بالبروده والخوف من ان يسود الظلام وهنا تكلمت الشمعه الرابعه لطمئنة الطفل وقد كانت هي شمعة الامل والتي رغم خفوت ضوئها صامده وقالت لا تخف يا صغيري مهما اشتدت الريح فسوف اقاوم لكن عليك فقط ان تحيطني بكفيك الصغيرين لتسعادني علي الصمود ..

وهنا دخل والد الطفل وقد سمع هذ ا الحوار فابتسم وطبطب علي صغيره ثم اخذ الشمعه الباقيه واشعل بها باقي الشمعات ..

انا عدلت في بعض اجزاء القصة لكن المهم المعني التي حملته هذه الحكايه فمادام الامل موجود ولم تنطفئ شمعته فيمكن ان نستعيد ما فقدناه

واتذكر بنفس المعني قصة فيلم هندي اعتقد كان اسمه بلاك .. يحكي عن طفله لا تسمع ولاتري ولا تتكلم فهي منعزله عن عالمها المحيط وبات امر تعليمها أي شئ درب من المحال ..

لكن كان هناك معلم لم يعرف اليأس طريقا لقلبه كان مؤمن بقدرته علي مساعدتها رغم يأس والديهما اللذين رأوا في محاولاته درب من العبث , لكنه وفي اللحظات الاخيره قبل ان يستردا الوالدين ابنتهما تحققت المعجزة نتيجة مصابرة المعلم واحتفاظها باخر بصيص من الامل داخله حتي اخر لحظة ..

توصل المعلم للغة خاصة جدا تمكن من خلالها بناء جسر من التواصل بين الطفله والعالم الخارجي , وكانت تلك اللغه هي لغة اللمس ..

فالطفله او الفتاه فيما بعد اخذت تتعلم وتفهم وتدرك , تشعر وتحب ,صارت انسانه حقيقيه حتي وان لم تكن مثل باقي البشر تري وتسمع وتتكلم فمن خلال اناملها والحاسه الكامنه في الروح تواصلت مع العالم فيما حولها , حتي انها نجحت في نهاية الفيلم ان تلتحق بالجامعه .. ربما سر هذا النجاح كان الامل والايمان في الوصول للهدف وايضا جسرمن الحب والثقه ربط بين الفتاه والمعلم

في النهاية لا يعني كتابتي لهذا البوست اني شخصيه متفائله بطبعي لكني مثل كثيرون منكم يحاول ان يلتمس نور من الامل في نهاية النفق المظلم وان ازرع زهرة التفاؤل داخل قلبي لعلها تنبت في يوما ابتسامه حقيقيه من الاعماق

قبل ما انهي البوست اخترت الكلمات دي لانغام


و مفيش حياة من غير أمل
و مفيش أمل من غير حياة
تقدر تقول إن الحياة .. الحياة هى الامل
كل يوم تبدأ حياة حلوة توصلنا السحاب .. نلمس أمل نلقاه سراب
يجى بعده الليل يطول .. نحلم وتوعدنا النجوم .. نبات نقوم .. نفس السراب
نفضل كدا .. عايشين كدا .. ماشيين كدا .. و مفيش طريق
غير الامل .. ايه العمل .. فين الامل .. فين الطريق
تقدر تقول إن الحياة .. الحياة هى الامل
و مفيش حياة من غير أمل
و مفيش أمل من غير حياة
تقدر تقول إن الحياة .. الحياة هى الامل

الامل - انغام

عتاب

نحن لانعاتب هؤلاء الاشخاص اللذين لا يمثلون لنا اي اهميه او فقدوا مكانتهم في قلوبنا مع اكتشافنا انهم دائما لا يأبهوا لمشاعرنا وحينها لا يستحقوا حتي كلمات العتاب ..

و نحن لا نعاتب حين يكون عمق الجرح والالم الذي احدثه فينا البعض اكبر من ان تخفف منه اي كلمات تبرير او اعتزار فقدوا تركوا في قلوبنا خنجر يظل ينزف في وجع وحينها حتي كلمات العتاب او الغضب ستختنق في صدورنا فهل بعد الموت تفيد الكلمات ..


ولكننا ايضا نشعر احيانا بالعجز ان نعاتب بعض الاشخاص المقربين جدا لقلوبنا حيث نحس ان حتي عتابهم سيهين شئ ما في علاقتنا بهم لاننا نفترض انهم اقرب الينا من انفسنا ولا يحتاجوا عتابنا ليشعروا بألم ما في قلوبنا منهم , وتكفي حينها العيون ولمسات الانامل وهمس الصوت المختنق بالعبرات لتنبئ بكل شئ

عن الحب يا صغيرتي تسألين

عن الحب يا صغيرتي تسألين
وبكل لهفة الاطفال ترتعش كفيك في يدي وانتي تضحكين
اه لو تعلمين
كم عذب الحب من قلوب عاشقين

فالحب نور ونار
طائر مشرع جناحيه
يتلمس طريقه عبثا في قلب الاعصار
سفينه تتقاذفها الامواج
تبحث في يأس عن اي منار
قلب عاشق تستعر اهاته
فيهذي في نشوه تحت الامطار
الحب يا صغيرتي
رعشة نبض
لهفة عيون
حنين واشتياق وجنون
بضع ابتسامات وكثير من الدموع

هى دموع ولا أكتر هو فراق ولا أكتر

كل ما بنأيد شمعه تجى الدنيا تطفيها

كل ما نمسح دمعه تيجى دموع بعديها

كل ما نزرع بسمه فى عيون مش مبتسمه

تيجى تخدها القسمه و تجيب حزن تصور

هى دموع ولا أكتر هو فراق ولا أكتر

مقطع من اغنيه لفريق واما

احيانا نندم علي منحنا كثير من اسرارانا لشخص ليس لانه خاننا وافشاها , لكن لاحساسنا اننا اعطيناه في قلوبنا مكانه لا يستحقها

طالما اعتقدت ان من يحب حقا يعجز ان يبوح بكلمة الحب لمن يحب لكنه في ذات الوقت يقولها في كل لحظة صمت ويبوح بها كل جزء من جسده مع كل انتفاضة شوق له , لكني الان اري ان كلمة الحب ليست شئ يمتلكه قد يمنحه او يمنعه بل هي حق مكتسب لحبيبه منذ تلك اللحظه التي باح نبض قلبه ولهفة همس صوته له بها

بأيّةِ حالٍ عُدتَ يا عيدُ

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ ده بيت للمتنبي ويمكن كتير مننا بيجي علي باله مع قدوم العيد ..

مش عارف ليه دايما مع العيد بنلاقي نفسنا بنفكر في حياتنا كلها وكأننا بنفتح كشف حساب للي عملناه السنه كلها , فيا تري العيد السنه دي يشبه العيد السابق ولا فينا اللي العيد السنه دي حمل تجديد ليه فعلا ؟؟؟

يعني مثلا حد حقق نجاح ما سواء علي مستوي الدراسه بتاعته او علي مستوي حياته العمليه وحس انه بدأ لاول مره يشق طريقه في الحياه ..او في منا اللي اتوجد في حياته قلب تاني ارتبط مع قلبه بمشاعر حب ومن خلال المشاعر دي حس لاول مره بطعم رائع ومختلف للحياه ..او اتعرف علي اصدقاء جدد حمل وجودهم في حياته تأثير خاص وقدر معاهم يتخلص من احساس وحده كان خنقه.. او فينا اللي جمع بينه وبين حبيبه صله رسميه ربما تكون خطوبه او زواج .. او حد فينا احتفل باول طفل ليه يتوجد للدنيا وحس لاول مره ان حياته بقت مهمه لناس تانيه .. او فينا اللي جرب طعم العطاء وانه يدخل علي ناس تانيه احساس بالسعاده حتي لو كانوا مش بيربطهم بيه اي صله

واكيد مش الاشياء الجميله بس اللي بنقيمها لكن اكيد برده بنقيم ونتذكر ذكرياتنا الحزينه والمؤلمه ...ففي منا اللي فارق حد عزيز اوي عليه وحس بعده ان الحياه فقدت أي طعم ليها ..وفي منا اللي اتخان او انجرح من صديق او حبيب وربما ده خلاه يفقد الثقه في كل الناس , او بص فجأه لنفسه وحس انه ماحققش أي حاجه وان السنين بتسرب من ايده , فكل اللي عرفهم حققوا اشياء في حياتهم لكن هو زي ما هو ..

علي أي حال ايا كانت الحصيله النهائيه للسنه اللي فاتت , فاحنا انحاول منفكرش عشان ما نضيعش احساس الفرحه بالعيد واول يوم اناكل اللحمه والفته ونسطل وننسي . ممكن بعضنا ايخرج و يزور اقارب ليه ووسط الضحكات والمرح المتصنع احيانا برده اينسي , اغلبنا ايحاول يستمتع بالعيد علي اد ما يقدر , لكن برده في منا اللي غاويين نكد اول ما يختلوا بنفسهم ايحسوا بدموع كتير ماليه قلوبهم ويكتشفوا ان قناع الابتسامه والسعاده المفتعله وقع لان ببساطه لسه ماخترعوش قناع سعاده للقلوب

طبعا اكيد حسيتوا اني انتمي للعالم النكديه امال يعني حد متفائل يكتب النكد ده كله علي العيد

طيب نختم البوست بحبة تفاؤل من ذكريات الطفوله .. انا طبعا كل ما يجي العيد تيجي علي بالي اغنية صفاء عبد السعود بتاعت العيد فرحه يا سلام ههههههههه وانا قلت اجبلكم وصله ليها يعني عشان تسترجعوا ذكرياتكم معاها

وكمان بيني وبينكم ان طول عمري بحب العيد الكبير اكتر من الصغير, ناس اتقول طبعا عشان الفته واللحمه اه طبعا اكدب يعني ههههههههه

لا اكيد مش ده السبب الوحيد , لكن لانه ايام المدرسه اوقات كتير كان بيجي في الصيف فطبعا بيبقي اجازه من غير مذاكره ونعرف نعيد علي راحتنا ..وكمان البيت عندنا بيبقي مليان بالضيوف خاصة من جيرانا من البيت القديم اللي رغم تركنا ليه فبتفضل الزيارات مستمره منهم لا تنقطع خاصة في العيد الكبير... وكمان في سبب يضحك انه انا كنت وانا صغير عاشق للافلام الهندي ووقتها القناه التانيه كانت متعوده كل يوم تجيب فيلم هندي في العيد الكبير بالذات وانا بقي ساعتها كنت ببقي مبسوط اوي ههههههههههه

اخيرا... مره تانيه كل سنه وانتم طيبين وحاولوا تلبسوا قناع السعاده اليومين دول بلاش نكد خاصة للناس اللي غاويه نكد زي حالاتي ..

اشعر برعشه لا محدوده تجتاح جسدي فهو ينتفض كعصفور من فرط المطر, فانا احتاج اليك حتي الهذيان ..

اتخيل لمسات اناملك ترقص علي شعري , ودفء احضانك يسري حتي عمق روحي فيذيب جبال الثلج الجاثمه علي انفاسي .,اتخيل خفقان قلبك كلحن سحري يخترق جدار الصمت فيذهب وحشة الوحدة عن عالمي ..

اغمض عيني فاشعر بانفاسك الدافئه تلفح ملامحي وهمس صوتك يجتاز بي عوالم واكوان اسبح بها خارج حدود الوجود والزمن

تتجول نبضاتك في جسدي تسري في دمي , تجتاح شراييني , تتدفق في جنون داخل اوردتي تسحق نبضاتي وتحتل قلبي للابد

دايما بحس اني وحداني مركب ما بترساش بمواني .. راح قلبي يدور على البر..
اضحك وانا بين نفسي وبيني حزن العالم كله ماليني .. غنوة جميلة بتنزف مر ..
دا انا من حبيبي بخاف ليبعني لغيري بخاف على حبي لطيري
بخاف ليجرح قلبي بعد ما حب بكل ضميري ..
بخاف لتهون ايامي .. بخاف ليخون احلامي بخاف لنهاية حبي تطرح شوك وعذاب قدامي .
كل ما عد ساعات افراحي واحسب المي وكل جراحي ارجع بالاخر خسران.
كل ما حن لناس حبتهم قلبي يحس بشوق نحايتهم بيدمع مطر احزان
حتى اللي ليا حتى اللي مني لو حسوا بيا لو حسوا فني حتى لما غني
بخاف من اللحظة الجيا بخاف من طول لياليا بخاف على كل حبايبي اكتر من خوف عليا
بخاف من حيرتي وياسي بخاف من روحي ونفسي
بخاف والخوف بقى دنيا..زي بني ادمين عايشين حواليا...

جزء من اغنية بخاف لحماده هلال

في روحي جرح باتساع السماء

ونزف قد صار يشجيه الوجع

كل من نقرب لبعض كل ما يزيد الاشتياق كل ما نحب اللقاء كل مانخاف من الفراق

مبلاش نتعود كده على بعض لاحسن لو ضعنا في يوم من بعض
حنضيع اوي ونتعب اوي لو مره حسينا بحنين ولقينا صعب نلاقي بعض

والا اقولك مش مهم الجاي ايه احنا نتعب روحنا من دلوقت ليه
لو حتى فرقنا الوداع لو حتى ضعنا في الهوى
مش برده يا حبيبي الضياع احساس بيجمعنا سوا

كل مانقرب - انغام

ليه

ليه لما نحب اوي بنخاف اوي , يمكن قبل كده مكنش في شئ نخاف عليه , لكن دلوقتي بقينا نخاف نفقد القلب اللي حبنا او اننا ننجرح منه او نكون سبب جرحه

ليه نحب مادام واثقين من الفراق وليه نفارق ان كنا بنحب بجد يمكن لان قدرنا اننا نحب وقدرنا اننا نفترق

يا قلب مالك كده مليان دموع
ده وجع ولا ده قدرك
اللي انكتب بين الضلوع

برتعش اوي
ليه النهاردة سقعان اوي
البرد معشش في الضلوع
وشايف في الملامح برودة الشتا
بدور علي ايه في الوشوش
يمكن بدور علي حبة دفا
ممكن يا حبيبتي تضميني اوي
انا عاوز حضن من عينيكي
يضمني

من غير كسوف
قولتى انا عشقاك
انا بعترف بهواك
ده انا من زمان عيزاك
تبقى حبيب قلبى
من غير كسوف
سبتى الكلام يتقال
معرفش ليه اتقال
كانه كان موال بتردديه جنبى
مشيت وياكى للاخر
اتارى اولك اخر
عنيكى خدتنى للحلم اللى مبيكملش
كلام خلى احلامى تشوفنى واشوفها قدامى
وهمتينى وخلاص مقدرش متكلمش
من غير كسوف
ايوه انا مليت من كتر ماستنيت
وتعبت لما داريت احساسى بعنيكى
من غير كسوف
انتى اللى انا حبيت وعشقت واتمنيت
شيلتك فى قلبى سنين عمال اخبيكى
مشيت وياكى للاخر
اتارى اولك اخر
عنيكى خدتنى للحلم اللى مبيكملش
كلام خلى احلامى تشوفنى واشوفها قدامى

محمد منير - طعم البيوت

كثيرا ما تتملكنا تلك المشاعر المتناقضه بين البعد والقرب من الاخرين .. حيث تجد في داخلك رغبه ان تبتعد خشيه ان تسقط في فخ التعود علي وجودهم , فيكون الفراق بطعم المراره واحساس الوجع ,, لكنك عندما تبعد بالفعل تشعر بوحشه وافتقاد اشد قسوه علي روحك , التي تستمد من وجودهم بقايا نبض يبقيها علي قيد الحياه ..

نهر وسدود

كثيرا ما تعجز الكلمات ان تشرح لي
سر هذا الجنون الذي يضطرم في اعماقي
ففي داخلي نهر ثائر تحجبه سدود لامحدوده
كلما نجح في تحطيم سد تكونت سدود اخري
النهر قرر ان يتعلم فن الهزيمه

فلا امل ان يبلغ المصب

تاج حبيبه

From

دايما لما حد يجيله تاجات يقلك ايه التدبيسه دي , هي حقيقي تدبيسه بس لها وقع جميل لان في حد افتكرك هي المره دي تدبيسه ثلاثيه من حبيبه صاحبة مدونة قصاقيص شكلها بتعزني اوي ههههههههههه



انا يمكن جالي اكتر من تاج منها اللي كان من ساره صاحبة مدونة البراءه وكمان من مدحت بس صراحه انا مش فاكر اسئلة التاجات لانها بقالها فتره كبيره , يمكن دلوقتي اجاوب تاجات حبيبه لانها احدث حاجه جتلي من كام يوم فاجاوبهم وامري لله قبل ما انساهم ولانها شخصيه عزيزه عليا اوي , وايا حد بعتلي تاج ونسيته يقكرني ويحطلي وصلة الاسئله ,معلش غلاسه بقي ممممممم



التاج الاول :-اذكر 6 اسرار قد لا يكتشفها من يقابلك لاول مرة

1- انا كتوم جدا بالنسبه لاسرار الاخرين خاصه لو هما اعتبروها اسرار حتي لو كانت اشياء بسيطه , لاني بعتبر افشاء سر صديق نوع من الخيانه لو كان هو استامني عليها

2-انا نساي بصوره سخيفه احيانا ..والغريب اني ممكن افتكر حاجات قديمه اوي بتفاصيلها من ايام الطفوله وانسي حاجه لسه حصله قريب , زهايمر مبكر شكله كده

3-دماغي عامله زي الدوامه الموجوده في البحر فيها افكار واحلام ومخاوف ومشاعر متصارعه بتدور في جنون فاحيانا كثيره ببقي مش مركز خالص او اني علي حافة الجنون

4- جوايا طفل كبير سهل تسترضيه وسهل تثير غضبه وسهل تجرحه , يمكن معرفش يكره لسه بس علمته الدنيا ان القلوب سميت قلوب لانها سريعة التبدل والتغير فتعلم التوجس من مشاعرالاخرين ولكن رغم معرفته الدرس ده ساعات بسيب قلبه يقوده وان كان مش بيحصل كتير

5- مش بعرف اكدب بجد سواء كان ابيض او اي لون اخر, ولو كدبت عشان حد وده نادر يحصل .. ببقي مرتبك وكاني عامل عمله , وتبقي مشكله كمان لو حد سالني سؤال صريح مش عاوز اجاوبه بحاول اتهرب من الاجابه او اطلب اعفائي من الاجابه

6-مش بعرف اعاتب حد ضايقني الا لو هو سالني , اما لو استعبط ببقي متغاظ منه اوي مممممممم, ولو حد تسبب في جرح ليا مش ببين لانه اما قاصد ومش بحب احسسه انه المني ,او مش قاصد وبعتبر ساعتها انه ذنبي مش ذنبه انه اتك علي جرح عندي وهو ميعرفش

التاج التاني..اذكر 16صفة عن نفسك

طبعا صعب حد يتكلم عن صفاته , ففي حد قريب مني اوي طلب ان هو اللي يجاوب علي التاج ده , طبعا انا عارف انه ايبالغ في بعض الصفات , لكن بما اني وعدته انزلها بس اعلق علي بعض النقط

1- طيب
ماشي نعديها مممممم

2- حنون
يمكن مش دايما لكني بالتاكيد صعب اكون قاسي

3-مخلص الي حد قربك من الملاك
طبعا مبالغه واضحه , لان كل واحد جواه جزء مش الخير وجزء من الشر , وبحاول دايما اتغلب علي اي نوازع شر جوايا علي قدر ما استطيع

4- قاسي علي نفسك علي حد القهر
يمكن ده يكون صحيح في اوقات كثيره

5-ذكي جدا
هههههههههههههه انا يمكن عمري ما اعتبرت نفسي ذكي , هي جابت الكلام ده منين

6-هادي واحيانا مرح جدا
احيانا بيكون المرح محاوله لاخفاء حزن عميق

7- عاجل وموزون في قراراتك
يعني اللي حد ما

8- مجنون جدا لاسع جدا

ايون مظبوط جدا

9- انطوائي احيانا كثيره وقد يصل للوحده
ممكن يكون صح جدا وان كان ليها اسباب خاصه

10-كتوم جدا وتكره تشكي او تحكي
فعلا

11-تقدر تيجي علي نفسك اوي عشان حد بتحبه
ممممممممممممممم

12- حساس جدا جدا واقل حاجه ممكن تجرحك حتي لو بسيطه
اعتقد ده صحيح ممممممممم

هي اكتفت بالصفات دي وانا اتلكك واكتفي بالقدر ده

التاج التالت ...

س1-بدأت تدون من امتي ؟ و دخلت العالم ده ازاي ؟

كانت في بعض الاصدقاء من عالم المنتديات عملوا مدونات تخصهم واقترحوا علي اني اعمل مدونه احفظ فيها اعمالي الادبيه , وبعد تردد عملتها فعلا , وبدات انزل فيها حاجات كتير من كتاباتي , وان حد يعبرني ولو بتعليق مفيش غير تعليقين او تلاته بالكتير ويبدو ان اصحابها ضلوا الطريق لمدونتي ودخلو بالغلط , يمكن وقتها مكتش اعرف يعني ايه اعلق في مدونات تانيه عشان الناش تيجي وتعبرني ..

مع احباطي قفلت المدونه , وعملت مدونه جديده اللي هي ثرثره تحت المطر وبقي يجي زوار اخذوا يتزايدوا مع الوقت , وبعضهم بقوا اصدقاء تدوينين بنتظر تعليقاتهم بشغف

س2-ايه كان انطباعك في البداية ؟

جاوبته في السؤال اللي فات , يمكن اضيف , اني بقيت متعلق بعالم التدوين جدا , وبقت مدونتي جزء مني , بتمثل اوقات حزني والمي وسعادتي بناس بقت تهتم بغيابي وتعبر عن اعجابها او حتي ملاحظاتها علي اللي بكتبه , واحيانا بتحاول تخفف عني بعض حزني

س3-مين اكتر واحد بتهتم بتعليقه علي بوستك الجديد ؟

زي ما قلت قبل كده ان بعض زوار المدونه ,اصبحوا اصدقاء حقيقين علي مستوي التدوين يشاركوني مشاعري وحالاتي المزاجيه المتناقضه من خلال ما اكتب

س4-ايه أهم حاجة اتعلمتها من عالم التدوين ؟

ان المدونه غالبا بتكون مرآه لصاحبها واكبر معبر عن افكاره ويمكن من خلالها تحليل الشخصيه وغور اعماقها


س5-ايه أكتر حاجة كرهتها ؟

ان حد يحط تعليق وهو باين انه حتي مقراش البوست , او المبالغه في مدح شئ ليس بمستوي المدح المبالغ فيه جدا ,مما يجعلك تشك في مدي صدق وحياديه التعليق في عالم المدونات وكونه يستطيع ان يفرق حقا بين الجيد والسئ

س6-حاسس ان التدوين له تأثير ؟

اكيد ليه تاثير كبير جدا فاق حتي توقعاتي عند دخوله

بالنسبه لاهداء التاجات , فاعتقد ان التاجات دي لقت المدونات كلها , فهي اهداء لمن لم يجاوب عنها بعد

ما اصعب ...

ما اصعب ان تنزف حروفك وجعا
وتضيع كل محاولاتك ان تلملم اشلائها

ما اصعب ان تختنق الابتسامه في حلقك
فتتحول الي مراره لاذعه تنسكب الي اوردتك في الم

ما اصعب ان تنتظر مصادفة حب يذيب الصقيع المتكثف في روحك
وحين تجده تكتشف انه تحدد في اللقاء الاول موعد الفراق

ما اصعب ان يحترق نبضك لهفة واشتياق وحنين اليهم

وفي اللحظة التي تتلاقي العيون يفجعك برودة نظراتهم غير المكترثه اليك

ما اصعب ان تشعر بقمة الوحده في صخب الاخرين
وان لاتجد رفيقا غيرك في متاهة الافكار المجنونه

ما اصعب ان يتخلي عنك الجميع وانت في قمة الاحتياج اليهم
ويكون الموت خير لك من ان تتوسل مشاعرعم ليحسوا بوجعك

ما اصعب ان تتجمد الدموع في عينيك
فيصير وجهك كنحت ثلجي بلا اي اثر للحياه

ما اصعب ان يكون كبريائك جدار زجاجي
تجلس خلفه تجتر احزانك في صمت
وتئن روحك في سجن ابدي من اليأس والالم