الأحد، 4 يناير 2009

تحديث : شر البليه


طالعت في احد الكتب الساخره تشبيه بليغ عن الموقف المصري من القضايا العربيه في الاونه الاخير من خلال التمثيل بحال شارعين متجاورين احدهما يدعي سليم الاول والاخر طومان باي رغم ان سليم الاول هو من قام بشنق طومان باي علي باب زويله ,فالنظام المصري اصبح يساوي بين الضحيه والجلاد بل انه وجدناه في القصف الوحشي الاخير علي غزه يري ان الفلسطينين هما من قاموا باستفزاز الخنزير الاسرائيلي وعليهم ان يتحملوا النتائج

ان الامر اشبه برجل يسكن بجواره جار بلطجي يقوم بالتحرش به ومضايقته لكن في احد المرات احتج الرجل فما كان من البلطجي الا ان قام بضربه وضرب اسرته وتحطيم بيته ,مما اضطره الاستعانه باقاربه اللذين بدل ان يهبوا لنصرته حملوه هو المسئوليه اما جبنا او خشيه علي مصالحهم مع البلطجي

طالعت في احد الصحف الحكوميه التي دائما تطبق مبدأ كن مع الحكومه علي طول الخط ,كيف انها وصلتها مئات الالاف من الرسايل من مصريون يستنكرون ويشجبون تصريحات السيد حسن نصر الله الذي يطالب فيه المصريين النزول للشوارع لاجبار النظام المصري علي فتح معبر رفع

طبعا حاشا لله ان نكذب الصحيفه الموقره لكن لي بعض التساؤلات البريئه

الم تجئ للصحيفه ولو بضع رسايل تستنكر التواطؤ المخزي من الحكومه المصريه ازاء نهر الدماء الفلسطيني الذي ينزف بلا توقف ,اما ان العقل الاكتروني للجريده لا يعترف الا بالرسايل التي تحمل توقيع الحزب الوطني

الخبر في الجريده يوحي بان المصريين في مجملهم متواطئين مع المجزره الاسرائيليه ضد الفلسطينين , وبما ان اغلب من اعرفهم تحترق اعصابهم وقلوبهم تعاطفا مع الفلسطينين وغيظا من موقف حكومتنا المبجله فان ذلك يجعلني اتشكك في اني واغلب المصريين هم مصريين حقا حتي وان حملوا الجنسيه المصريه , فيبدو ان حكومتنا اصبحت لا تعترف بغير الجنسيه المصريه تلك التي يتم استخراجها من الحزب الوطني



هناك 13 تعليقًا:

حروف يقول...

انا معاك بس تقول اية علي المصريين اللي ماتوا علي ايد الفلسطنيين علي الحدود

AHMED SAMIR يقول...

تصريحات حسن نصر الله كانت طوق النجاة اللي تلقفته الحكومة وابواقها الاعلامية للخروج من موقف القيادة المصرية المخزي تجاه غزة
حولوا قضية غزة الى قضية سيادة وطنية وكرامة مصر وشعبها والكلام دة
حسبي الله ونعم الوكيل

آخر العنقود يقول...

اهوه هيا كده يامحمد

مش بيشوفوا غير اللى عاوزين يشوفوه
ومش بيقروا غير على مزاجهم
وينشروا طببببببببببببعا اللى يفيدهم

حسبي الله ونعم الوكيل
لو كل واحد فكر هيقول ايه لربنا
والله هنتحاسب واحد واحد على اللي بيحصل لاخوانا في غزة
واحنا شايفين ومش بنعمل حاجة
ياااااااااارب كل اللى بنحاول نوصله ده يكون عذر لينا قدام ربنا

تحياتى ليك يامحمد

عبد الحميد محمد يقول...

لن يعجبك كلامي كثيرا اذا
طالما انك مقتنع بأن مصر خائنة و متواطئة مع اسرائيل .. و لا تلعب على وتر ان الحكومة غير الشعوب فالذين تتحمس لرأيهم امثال نصر الله و غيره لا يفرقون ..
نعم .. انا مع فتح المعبر ولكني اعرف تماما ان فتحه سوف يؤدي الى عواقب وخيمة .. صدقني لو كنت رئيسا للجمهورية لأشفقت على نفسك من مسئولية اتخاذ قرار مثل هذا ..
أريد فعلا ان اتحرك و اثور ضد الحكومة .. و ابكي يوميا بسبب الشهداء في غزة و لكني اعرف ان الحكومة محقة .. و لو لبعض الشىء

و بالتأكيد الخلاف في الرأي لا يفسد للود قضية
لم اكن اتمنى ان اختلف معك في اول مشاركة لي عندك و لكني اثق انك من رجاحة العقل كي تتفهم انني لا احب المجاملة و التصنع

تحياتي لاسلوبك

مدينـة من النسـاء يقول...

ليه بنلوم على الشعب المصري ونقول متواطئ وكأنه اللي في ايده الكلمه وصوته هو المسموع
هي الصوره فعلا موضحه الحقيقه والتعليق الوحيد عليها هو كلمة لا تعليق
ياريت كان كل اللي جواه كلمه يقدر يوصلها
ومش دي أول قضيه يكون فيها الشعب متهم
ومن البدايه مكنش له صوت مسموع
ومش هاتكون الأخيره

تحياتـي ليك ...

Unknown يقول...

السلام عليكم ورحمة
الله تعالى وبركاته
كلامك مضبوط كله يامحمد
الصحف الرسمية زى ماأنت عارف :كله تمام ياأفندم وأوامر ومقالات مكتوبة مسبقا فى مكاتب الوزراء والحاشية
والصحف المعارضة(لا اقرئها لانها بتجبى لى الضغط والاستبحس وشوية شويه حتشككنى فى نفسى من اول الخبز ومكوناته الى اللبن!
الواحد بقى تعبان نفسيا من الكذب العلنى فى الجرايد الرسمية والنفاق اللى فيها.لكن فعلا فعا احسن مثل لما يحدث هو
ما ضربته انت عن البلطجى لانك لما بتقاومه حين ما يعتدى على جارك مش بس علشان جارك لكن علشان نفسك انت لانه بعد ما حيخلص على جارك حيفضى لك ومش ضرورى النهاردة ولا بكرة لأ الايام جاية بعدين .....وربنا يستر يامحمد

Muslima يقول...

حسبى الله ونعم الوكيل
ربنا يرحم شهدائنا
و يلم شملنا نحن العرب

مدونتك حقيقى رائعة
دمتك بخير
مع تحياتى

حروف يقول...

الف سلامة عليك يا محمد

GiGi world يقول...

مش عايزين حماسنا يقل وهنكتب واكتر وهنطلع كل اللى جوانا وطبعا حضرتكك اول حد كلماته بتاثر فينا ارجوك ماتسيبش مقعدك والا هيجي حد مكانه تافه يكتب فى مواضيع تافهه
عايزينك معانا ومعاهم فى ازمتهم وازمتنا قبل ازمتهم
يار ب النصر على ايدينا

غير معرف يقول...

I like your blog

واحد من البلد دى يقول...

السلام عليكم

منه لله اللى خلى المصرى مصرى

دمنا جوانا لون واحد بيسرى

العرب أوقات كتير بتسمى(مايكل)

حد مرة قالهم..ما تسموا (يسرى)؟؟

عجبى

فارس بلا جواد يقول...

اولا ألف سلامة عليك
ثانيا يا ريت بلاش تغيب كتير وترجع بسرعه
ثالثا أنا متفق معاك في جزء كبير من كلامك بالذات بخصوص الموقف المتخاذل للحكومة المصرية .. لكن بصراحة لازم اعترف اننا بنتعرض لهجمة شرسة من الاعلام وبالذات الاعلام العربي .. انا مش باقول ان احنا ابطال وهما بيحاولوا يشوهوا صورتنا لكن باقول اننا في السكوت سواء .. لكن الانتقاد دايما بيكون من نصيب مصر عارف انهم بيقولوا بحكم ان مصر الشقيقة الكبري والكلام ده .. بس علي سبيل المثال قناة الجزيرة من اروع القنوات الاخبارية ليس في العالم العربي بل علي مستوي العالم أجمع .. وتكشف دوما الواقع بحيادية بعيدا عن قنواتنا المحلية التي تحيا في عالم سمسم لكن لا أدري لماذا تقف عند خطوط حمراء معينة ولا تتعداها مثل العلاقات المتينة بين اسرائيل وقطر .. في هذة الجزئيات بالتحديد اجد القناة تحاول تشويش الصورة وتفقد الكثير من مصداقيتها
اتمني الا يغضب احد من كلامي و يتفهم قصدي حتي لا يزايد علي ما قلت
تحياتي

غير معرف يقول...

Very rich and interesting articles, good BLOG!