كل انسان محتاج قلب يحس بيه ويقدر يفضفضله او يشكيله وقد يكون القلب ده لاخ او صديق بل واحيانا ممكن الانسان يشكي لحد غريب عنه لمجرد احساسه انه ممكن يسمعله ...
, لكن في ناس بتجد صعوبه انها تشكي عن اللي جواها لحد .. اما لان جواها حزن كبير اوي ومفيش في قاموس الكلمات اللي يقدر يعبر عن اللي جواها , او لانها لما تشكي بتتوجع اكتر لانها بتحاول تنسي حزنها ولما بتشكي احزانها بتتجدد تاني قدام عينها , لكن احيانا بتبقي المشكله ان الناس دي بتحاول تتظاهر بالقوه امام الاخرين ولما بتشكي بيبان اد ايه هي ضعيفه وهشة من جوه وهي ممكن يقتلها ساعتها نظرة العطف في عيون الاخرين , لذلك احيانا ممكن تجدهم بيضحكوا اوي رغم انهم موجوعين اوي من جوه
ويمكن المعني الاخير ده لمسته بشده في اغنيه لانغام اسمها مبحبش
boomp3.com
مبحبش حد يشوف أى دموع فى عينيا علشان لا أصعب عليه ولا يزعل عليا
وأضحك و كأن الضحكة بجد .. مش محتاجة طبطبة من حد دنا لو من جوايا بنكسر .. مش عايزة فى نظر الناس أتهد
مبحبش أبان مغلوبة .. ضعيفة .. و صورتى فى نظر الناس تتهزولا حد يشوفنى يقول مسكينة يا عينى عليها و ملهاش حظ...
مبحبش حد يشوف أى دموع فى عينيا علشان لا أصعب عليه ولا يزعل عليا
Hi5 Falling Stars
هناك 46 تعليقًا:
انى لا اكذب ولكنى اتحمل
مش بكذب لما اقول الحمد لله انا بخير
لكن بتحمل عشان ميبانش انى موجوع
اخى
ربنا خلقنا اسر
وقبائل
وشدد على صله الرحم ورحم الاسلام
وحق الجيره وحاجات كتير بتحدد علاقات البشر
عشان كل واحد يحس ان فيه حد جانبه
معاك جدا ان مش سهل تشكى
مش سهل تبكى قدام حد وتقول اه
لكن انك تكتم الاه دى طول الوقت مش هو الحل
ورغم كل شئ هتتسمع او هتبان
يبقى الاحسن اما تحاول تقرب اكتر من ربنا لحد ما تحس ان خلاص مش مهم اى حاجه تانيه مهما كانت بتوجع
او تتكلم
وياريت الاتنين
فى المدونه محدش هيسمعك غصب عنه
اتكلم براحتك هتلاقى الف اخ واخت بجد جنبك
المهم متفضلش حزين كده
تحياتى
بداية انا يمكن كنت بتكلم عن معني عام يمكن يلمس بعضنا , يعني الانسان دايما بيدور علي شخص عشان يفضفضله . لكن في اوجاع مش سهل بعضنا يتكلم عنها لانها ممكن تبين ضعفه للاخرين ,والانسان مش بيحب حد يحس بضعفه مهما كان قريب منه
متشكر اوي يا مني لكلامك ومشاركتك واكيد كلنا اخوه ...
تحياتي وتقديري
محمد
السلام عليكم ورحمة الله وبركاته
****************************
(مبحبش حد يشوف أى دموع فى عينيا علشان لا أصعب عليه ولا يزعل عليا
وأضحك و كأن الضحكة بجد .. مش محتاجة طبطبة من حد دنا لو من جوايا بنكسر .. مش عايزة فى نظر الناس أتهد
مبحبش أبان مغلوبة .. ضعيفة .. و صورتى فى نظر الناس تتهزولا حد يشوفنى يقول مسكينة يا عينى عليها و ملهاش حظ...
مبحبش حد يشوف أى دموع فى عينيا علشان لا أصعب عليه ولا يزعل عليا)
*********************
كده برضه !!!؟كده برضه!!!!!؟كده برضه!!!!؟
لكن معلش...خليها عليك المره دى
وسامحنى للتاخير (اسباب كتيرة لو حكيتها الناس ما حيبطلوا ضحك علىّ مش بكا لأ
يرضيك الناس تضحك علىّ ...انا عارفة برضه كده.مش حأقولك الاغنيه حلوة اد ايه واللحن والصوت كمان والاحلى الاختيار لها واللى اختارها كمان .
اولا مدونتك حلوة اوى وكلامك جميل كمان وفية احساس انا بعشق اغنية انغام دى بالذات الكوبلية دة كلة عزة نفس بجد
تحياتى لك
بجد الاغنيه والكلام اللى انت قلته قبلها خلانى ابكى وبجد ايه حالة الحزن الجامدة دى
وأضحك و كأن الضحكة بجد .. مش محتاجة طبطبة من حد دنا لو من
انا الضحك مش قادرة اضحكةه بجد لانى بالفعل حزينه
تحياتى لك
انا راحة اسمع الاغنيه
هي ضعيفه وهشة من جوه وهي ممكن يقتلها ساعتها نظرة العطف في
لا الحزن الانسان مش ضعف دة قدر بجد قدرنا ولا زم نحكى عنه لازم نفضفض بيه
لازم نقول عنه
معلش حالة الحزن استفزت حالة الحزن لعندى بجد
تحياتى ثانيه
norahaty
اتمني يكون البوست والاغنيه عجبوكي يا دكتوره , هو البوست الاول كنت منزله من غير تعليقات لكن في بعض الردود سالتني ليه مش فاتح التعليق , عشان كده فتحته
منوراني دايما يا دكتوره
تحياتي وتقديري
محمد
PrInCeSS BeRy..
حضرتك شرفتيني بالزياره لمدونتي المتواضعه واتمني تكون عجبتك بجد
تحياتي وتقديري
محمد
رئـــــيسـة حزب الأحلام..
بدايه انا اسف لو كان البوست ده نكأ مشاعر الحزن عندك ..
انا معاكي ان الحزن ممكن يكون قدر دون اختيار منا , لكن يا تري لو فضفضنا بحزننا ده انلاقي اللي يسمعنا ويحس بينا بجد ؟؟؟؟؟
نورتي بجد
تحياتي وتقديري
محمد
يمكن تكون انت صح يا فارس ياملثم بس انا ليا فى الحزن وجهة نظر تانيه خالص لو زرت مدونتى هتعرفها وعايزة اقولك كمان طيب فين العشم وفين الناس اللى واجب عليها تقف جمبك وتقف جمبها
بس على اى حال طرح كويس لفكرتك
بالتوفيق وبتمنالك المزيد من النجاح يارب
habiba..
بداية حضرتك نورت المدونه , وانا رديت في مدونتك عن المعني اللي كنت اقصده..
ان شاء الله لا تكون اخر الزيارات لمدونتي المتواضعه تلك او الاخري
تحياتي وتقديري
محمد
السلام عليكم ورحمة الله وبركاته
محمد الفارس الملثم
اردت ان احييك فى هذا الصباح
ان اتمنى لك العفو والعافية
فى كل حين.
(جميلة الصورة الجديدة يامحمد)
ولك احتراماتى ودعواتى
عارف لما بتعرض للموقف ده
بقول يارب
مش بلاقى حد غيره الجأله
السلام عليكم ورحمة الله وبركاته
محمد الفارس الملثم
صباح الخيرات لك دائمآ
منى من هنا اللى هو
بيتناااااااااااااا.
norahaty..
صباح الخير يا دكتوره , منوراني دايما كده ..
كويس ان الصوره عجبتك
تحياتي وتقديري
محمد
مدحت محمد ..
اكيد مفيش غير ربنا ممكن نلجأله لما تضيق بنا السبل
نورتني يا باشا
تحياتي وتقديري
محمد
الصوره الجديده جميله
بس البحر راح فين
كنت باجى مخصوص ابص عليه
ياله فداك بقى
تحياتى
منى.....
هههههههههههه
يا سلام وانا بقول المدونه عجباكي طلع عشان تتفرجي علي البحر ممممممممممم
عموما خلي النجوم شويه وبعد كده ارجعلك البحر تاني , بس تدفعي حق الشمسيه , مش كل مره انا اللي ادفع ممممم
منوراني بجد يا مني
السلام عليكم ورحمة الله وبركاته
محمد الفارس الملثم
صباح الخيرات لك اليوم وكل يوم.
واتمنى لك الصحة والعفو والعافية
دائمآ وابدآ.
(تريد اجرة الشمسية من منى يامحمد!!!?)
تقبل احتراماتى ودعواتى.
وعندما وجدت احرف اناجى بها البشر تاهت ابجدية شكوتى واغلقت كلماتى الممر خفت النظرات وسط العيون واغلقت ملفات الحكاية للابد فى وجةهذا الكون ..بجد البوست تحفةفى انتظارجديدك تقبل مرورى
الحقيقة ان المشكلةانى معنديش دراية بامور تنزيل الصور اوازاى اخلى شكلها احسن انا بحاول اغيرشكل المدونةنوعا ما مفيش تطفل بالعكس انا سعيدة بملاحظتك وشكرا على كلامك
وبجد اسلوبك فى الكتابةجميل ومميز وقصصك بتشد اوى ربنا يوفقك وفى انتظار قصص جديدة
تحياتى
تقبل مرورى
البراءة
norahaty..
صباح الخير يا دكتوره , ودايما كده منوراني ..
لا طبعا احنا نقدر , بس ممكن بقي حضرتك تعملنا الساندوتشات عشان فلست خلاص ...
تحياتي وتقديري
محمد
وعندما وجدت احرف اناجى بها البشر تاهت ابجدية شكوتى واغلقت كلماتى الممر خفت النظرات وسط العيون واغلقت ملفات الحكاية للابد فى وجةهذا الكون
جميله اوي كلماتك واحساسك يا ساره
انا سعيد ان كلامي مضايقيش وانت ممكن ترفعي صوره من جهازك علي المدونه عادي , وكمان في مواقع ممكن ترفعي عليها الصور وتاخدي رابط تحطيه في مدونتك
انا يسعدني جدا انك تكوني متابعه لكتاباتي وانها تعجبك
تحياتي وتقديري
محمد
السلام عليكم ورحمة الله وبركاته
كيفك اليوم وكيف حال البرد معك؟
كل ده علشان البحر اللى انت قاعد امامه ده وكمان (البخل) بتاعك شوية,واوعى تزعل انا بقولك اهوه,عايزنى انا اجيب الشاى والسندوتشات ومنى اجرة الشمسية
اقولك زى اسماعيل ياسين
(بولوووووووووم)
وابقى تعالى وجيب اصحابك كمان اتفرج على البوست الجديد بتاعى
السلام عليكم
موضوعك جميل اوى
اجمل ما فى الدنيا انك تثقى فى حد
ويسمعك ده يشعرك بالامان
ويريح نفسياً
تحياتى
هانى
مش عارف ... بس انت ترجمت اللي جوايا ...
انت لفت نظري للاغنية ... رغم اني اليومين دول بسمع ميوزيك بس... بس الاغنية رهيبه ... رهيبه ... رهيبه ...
مش عارف اقول ايه ...
بس انا فعلا مبحبش اي حد يشوف اي دموع في عينيه ...عشان لا اصعب عليه ... ولا يزعل عليا ...
انا فاهم تحديدا الحالة دي ... لان مش معنى كدا ان الواحد مش مع ربنا سبحانه وتعالى خالص ... على العكس ...
انا كتير كان بيبقى نفسي امشي ... امشي خالص ... من وسط الناس كلها ... ابقى مع ربنا بس !!!
لانه اكتر حد حاسس بيا .. وبيحبني ... وعارف انا بحب ايه ... ومبحبش ايه ... وساعات في عز ما بكون تعبان بلاقي حاجات بسيطة جدا بشوفها في حياتي تحسسني بحضن كبير اوي ... يمكن حتى مكونش عارف اصلا اني محتاجه ...
وانا برده يهمني التعامل مع البشر ... مع الناس ... صحابي والناس اللي بحبهم .. والناس اللي براعيهم ... لكن مشكلتي في اللي انت قلته بصدق شديد اني زي ما انت قلت ..
اني مبحبش "اشحت" الحب او الاحساس ...
عشان اتكلم مع حد مش شرط يكون فكريا قوي او بيعرف يتكلم او يحتوى اللي بيتكلم معاه ... خالص مش شرط خالص ...
انا كل ما انا عاوزة ... ببساطه انه يكون حاسس بيا ... بس ... هو دا الشرط ... لاني زي ما انت قلت برده في عز ما ببقى حزين .. بضحك اكتر ...!
وكاني برفض دا بشكل ما ... وعمرى ما هاروح لحد اقولة انا تعبان ... ممكن تحس بيا ... لا اموت نفسي ارحم !!!
مينفعش !!!
عشان كدا انا احترمت كلامك جدا ... والاغنية روعه ... وفعلا اني ترجمت اللي جوايا اليومين دول ...
وانا اسف جدا اني طولت ... بس انا حسيت اني عايز اتكلم الكلمتين دول !
روعه بجد ... شكرا ليك !
بجد حلوة اوى خاصة الجزء الاخير
ودى اجمل حاجه فبه
مبحبش أبان مغلوبة .. ضعيفة .. و صورتى فى نظر الناس تتهزولا حد يشوفنى يقول مسكينة يا عينى عليها و ملهاش حظ...
تحياتى ليك
...................
سندريلا
يمكن يكون دة لان معظم من نشكو لهم لا يملكون الكثير لينصحونا ولكنهم يغرقونا بنصائح واهية احيانا
ويمكن لان معظم الناس عندها اللى مكفيها فابنشفق على الاخرين من زيادة همومهم
ويمكن لان همومنا احيانا ما بتكونش مؤلمة بالنسبةللاخرين كما هى قاتلة لانفسنا لان ليس بالضرورة ان ما يؤلمنا
يولم الاخرين فنصمت ونحتفظ بالامنا سر دفين
تقبل مرورى الاول
صباح الخير
ازيك يا محمد؟
كل واحد عنده طبع
فيه اللى دايما بيشكى
وفيه اللى بيفضل الصمت
وفيه اللى درجة حساسيته عالية جدا زى ما قولت فى البوست وده أصعب طبع لان صاحبه هو اللى بيتألم ويعانى طول الوقت من ثقل الحمل.
وفى الحالة دى بيكون هو الرابح
تعرف ليه؟
لإنه بيتوجه الى الله سبحانه وتعالى بشكواه وألمه .. وسبحان الله
بركعتين صلاه وقراءة بعض من القرآن ودعاء بقلب صاف .. بتحس ان الانسان اتولد من جديد وان كل الهموم والاحزان زالت وبعدها المشكلة بتتحل من عنده
سبحان الله
ربنا يسعد قلبك يارب
تحياتى واحترامى
HANY YASSIN..
نورت يا هاني باشا ,انا سعيد ان الموضوع عجبك
تحياتي
moro_wbs..
تقريبا يا عمرو كلامك نفس اللي بحسه واللي لمسته اوي في الاغنيه دي ..
انا برده بشوف المشاعر والاحاسيس مينفعش تشحت , او تقول لحد انه يحس بيك
متشكر اوي يا عمرو علي تعليقك وانت مطولتش ولا حاجه
نورت يا باشا
sendrlla..
نورتي يا سندريلا وفعلا كلمات الاغنيه معبره اوي
تحياتي
احلام اليقظة..
طبعا كلامك مضبوط تماما , وكلامك من الاشياء اللي قصدتها من البوست فعلا
بجد حضرتك نورتي بجد
تحياتي
كاميليا..
فعلا كلامك صح وجميل جدا يا كاميليا , واكيد ملناش غير ربنا نلجأله
نورت بجد يا كاميليا
تحياتي
انا كمان مش بحب اشكى
لقناعه عندى انه الشكوى لغير الله مزله
احيانا بفضفض مع اى حد
مش شرط شخص مقرب ليا
ممكن افضفض مع حد معرفوش اساسا
بس المهم انى اشعر بالثقه تجاهه
احيانا بيخونى احساسى ويكون شخص غير اهل للثقه ودا من الاسباب اللى بتخلينى دايما احاول امسك نفسى عن الفضفضه
بس غالبا بيكون احساسى صح
وبحب اسمع ارائهم
وكتير كلامهم بيطمنى ويخفف عنى
لكنها مجرد فضفضه او اخذ مشورى
انما مش شكوى
انا احب اشكى حالى لله وبس
amal..
يمكن يكون هناك فرق بسيط بين الفضفضه والشكوي , اكيد كل واحد فينا محتاج يفضفض باللي جواه, لكن احيانا بنكتشف ان فضفضتتنا اتحولت لشكوي خاصة لو كنا شخصيات تحمل حزن خاص داخلها , ساعتها بنفضل اننا نلتحف بالصمت ونقصر شكوتنا علي من خلقنا ..
حضرتك نورتي المدونه وردك اضاف للموضوع
تحياتي وتقديري
محمد
عارف ساعات بكون عامله كده ومش عاوزة اشتكى ولا اقول بس بينى وبين ربنا وساعات بحتاج اسمع كلمه من حد
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة
الى السيد اللواء/ فاروق لاشين مدير مباحث العاصمـــــــة
مطلـــــــــوب القبــــــض
علـــــى نصاب عائلـة الزينــــى
نصاب الشقق التمليك بزهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من خمسون حكما قضائيا
وعنوان سكنه وعنوان الشركة
شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه
و مدينة المنصورة بمحافظة الدقهلية
ومركز بشبيش بطنطا بمحاظة الغربية
واليكم على سبيل المثال لا الحصر بعضا من القضايا المحكوم فيها على هذا النصاب وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و
ما خفى كان أعظم وجميع ألأحكام ضده نصب واحتيا ل
كلنا كدة
وبتمر علينا الممواقف دي كتير
وساعتها فعلا مفيش الاربنا سبحانه وتعالي
وبكرة ان شاء الله يكون فيه الخير والامل والسعادة ما تنسي به الم الامس
تحياتي
appy..
اكيد يا ابي ده حالنا كلنا , نورتي الثرثره يا ابي
kochia..
اكيد مفيش غير ربنا ممكن نلجأله لما توجعنا الدنيا ويؤلمنا تقلبات قلوب البشر
نورتي يا كيوشا
كنت اريد المتابعه بصمت
في كثير من المواضيع .. كلماتك لامست شغاف القلب ..
و في هذا البوست بالذات ,, احببت ان اعلق .. لكثره ما اواجه هذا الامر .. و بالتحديد اليوم
عندما احزن .. اتخوف الشكوى و أن أُرى ضعيفه .. أو أُعامل بشفقه
مع شدة حاجتي للكلام .. ألتزم الصمت .. و في صدري نار تتأجج
لكني ها هنا قد تكلمت ^_^
اشكر رحابة صدركم
و اخيرا وددت ان اقول .. فهمت ما تقصد
Heart Rose
عندما احزن .. اتخوف الشكوى و أن أُرى ضعيفه .. أو أُعامل بشفقه
مع شدة حاجتي للكلام .. ألتزم الصمت .. و في صدري نار تتأجج
لكني ها هنا قد تكلمت ^_^
اسعدني انكي وجدتي في صفحتي متنفس لما في صدرك, وان كنت لا اتمني ان تدوم احزانك
اشكرك لمرورك عبر مرفأ احزاني
السلام عليكم..
تقبل مرورى يا فارس..
بالنسبه للبوست..الحقيقه انا اتلخبطت انى اول لمعنى جوايا..
اللخبطه مش فى البوست نفسه..لأ
اللخبطه حصلت جوايا أنا..
لإنى من النوع اللى بحب أفضفض جداً..
وسبحانك ياربى فى كثير من التعب النفسى مبقدرش أحكيله لحد لإنك زى ماقلت بيكون أكبر من انى أوصفه..
فالإنسان بيفضل ان ظروفه دى بتكون جواه أو أخدت مكان واتقفل عليه ممكن يشفى وممكن لأ بس أهم حاجه ميبينش حاجه وبتكون من أشد الأذمات..بل بتكون قاتله..
آسفه انى طولت عليك..
لكن الحياه بالرغم من كل هذا بنحاول اننا نشوفها بصوره أحسن حتى لو شكلها مش على مزاجنا فإحنا نحاول نخليها أحلى..وطبعاً كلامى ملخبط ومش هتفهم حاجه ان شاء الله..
ربنا يستر..
تقبل تحياتى.
هههههههههههه
لا يا ستي فهمت كلامك , وانا سعيد ان البوست عبر عن حاله وجدانيه بتعاني منها نوعيه ذات سمات خاصه لشخصيتها
ها ايه اللي انا كاتبه ده
نورتي بجد
جيت اقولك انا بحبك اوى
بحبك اوى حتى بعد ماسبتنى
مش قادره اقولك كل عيد حب وانت معايا لانك مش معايا بس انت جوايا
مش انت كنت بتقولى كده دايما؟
بصى جواكى دايما هتلاقينى
وان قلبك معايا ومع قلبى جوه؟
اهو قلبى بيقولك دلوقت انه بيحبك وكان نفسه تبقى انت معاه دلوقت
بس هو بقى لوحده خلاص
وباقيله قلبك
كفايه عليه
بحبك
الكلام ده جميل اوي بعد ازنك هنشر
إرسال تعليق