السبت، 25 أكتوبر 2008


يا قلب مالك كده مليان دموع
ده وجع ولا ده قدرك
اللي انكتب بين الضلوع

الجمعة، 24 أكتوبر 2008


برتعش اوي
ليه النهاردة سقعان اوي
البرد معشش في الضلوع
وشايف في الملامح برودة الشتا
بدور علي ايه في الوشوش
يمكن بدور علي حبة دفا
ممكن يا حبيبتي تضميني اوي
انا عاوز حضن من عينيكي
يضمني

الخميس، 23 أكتوبر 2008


من غير كسوف
قولتى انا عشقاك
انا بعترف بهواك
ده انا من زمان عيزاك
تبقى حبيب قلبى
من غير كسوف
سبتى الكلام يتقال
معرفش ليه اتقال
كانه كان موال بتردديه جنبى
مشيت وياكى للاخر
اتارى اولك اخر
عنيكى خدتنى للحلم اللى مبيكملش
كلام خلى احلامى تشوفنى واشوفها قدامى
وهمتينى وخلاص مقدرش متكلمش
من غير كسوف
ايوه انا مليت من كتر ماستنيت
وتعبت لما داريت احساسى بعنيكى
من غير كسوف
انتى اللى انا حبيت وعشقت واتمنيت
شيلتك فى قلبى سنين عمال اخبيكى
مشيت وياكى للاخر
اتارى اولك اخر
عنيكى خدتنى للحلم اللى مبيكملش
كلام خلى احلامى تشوفنى واشوفها قدامى


محمد منير - طعم البيوت

الأحد، 19 أكتوبر 2008



كثيرا ما تتملكنا تلك المشاعر المتناقضه بين البعد والقرب من الاخرين .. حيث تجد في داخلك رغبه ان تبتعد خشيه ان تسقط في فخ التعود علي وجودهم , فيكون الفراق بطعم المراره واحساس الوجع ,, لكنك عندما تبعد بالفعل تشعر بوحشه وافتقاد اشد قسوه علي روحك , التي تستمد من وجودهم بقايا نبض يبقيها علي قيد الحياه ..

السبت، 11 أكتوبر 2008

نهر وسدود


كثيرا ما تعجز الكلمات ان تشرح لي
سر هذا الجنون الذي يضطرم في اعماقي
ففي داخلي نهر ثائر تحجبه سدود لامحدوده
كلما نجح في تحطيم سد تكونت سدود اخري
النهر قرر ان يتعلم فن الهزيمه

فلا امل ان يبلغ المصب